Токиогийн олимп 2021 оны 7-р сард зохиогдох төлөвтэй байна

COVID-19 дэлхийн хэмжээнд тархаж байгаатай холбогдуулан нэг жилээр хойшлогдсон Токиогийн олимп 2021 оны 7-р сард цаг алдалгүй зохион байгуулагдах төлөвтэй байна. AFP-ийн мэдээлснээр Олон улсын олимпийн хороо (ОУОХ) ямар ч тохиолдолд хуваарь ёсоор Токиогийн олимпийн нээлтийг 2021 оны 7-р сарын 23-ны өдөр зохион байгуулахаа мэдэгджээ. ОУОХ-ны дэд дарга Жон Котз AFP-д “Токиогийн Олимп Корона 19-ийн цар тахлын нөхцөл байдлаас үл хамааран 7-р сарын 23-нд эхэлнэ” гэж хэлсэн бөгөөд энэ удаагийн Олимпийн наадам нь “Covid 19-ийг ялан дийлж, хонгилын үзүүрт гэрэл гийхийг бэлгэдсэн агуулгатай болж байна" гэжээ. Үүний зэрэгцээ, 7-р сард Токио 2020 Олимпийг зохион байгуулах хорооны ерөнхий нарийн бичгийн дарга Тоширо Муто энэ арга хэмжээг зөвхөн хязгаарлагдмал үзэгчдийг багтаасан хялбаршуулсан хэлбэрээр зохион байгуулах магадлал өндөр байгааг мэдэгдэв.