Сэтгүүлч: Чамайг гудамжинд явж байхад зодсон гэсэн яриа гарсаншд. Тэр яг юу болсон юм бэ?
Осоржаамаа: Үсчинрүү орчоод гэрлүүгэ явж байсан чинь согтуу хүн ирээд лайв хийдэг эр эм нь мэдэгдэхгүй гээд намайг шууд зодсон.
Сэтгүүлч: Хажууд чинь байсан хүмүүс болиоч ээ гэж хэлсэн зүйл байхгүй юм уу?
Осоржаамаа: Байхгүй ээ. Бүгд л утасаа гаргаад л бичлэг хийх нь хийгээд л зураг дарах нь дараад л байсан.
Сэтгүүлч: Энэ талаар цагдаад хандсан уу?
Осоржаамаа: Цагдаад дуудлага өгөөгүй. Хамар хугараад би өөрөө явж янзлуулсан. Харин цагдаа нар миний сошилд тавигдсан зургийг өөрсдөө харж байгаад ирсэн.
Сэтгүүлч: Чамайг зодсон хүнд чи гомдолгүй гэж хэлсэн нь үнэн үү? Үнэн бол яагаад?
Осоржаамаа: Би хүний мууг үзэх дургүй. Хүн яаж ч амьдрах юм билээ. Тэр хүн намайг юу ч гэж бодсон юм сайн мэдэхгүй байна.
Сэтгүүлч: Осоржаамааг урьд нь хүнд зодуулж байсан. Ер нь байсхийгээд л зодуулаад, гэрлүү чинь хүртэл дайрч орж байсан. Энэ талаараа ямар бодолтой байдаг вэ?
Осоржаамаа: Ер нь янз бүр л санагддаг. Гэхдээ одоо бараг зодуулаад сурчихлаа дөө. Өмгөөлөх хамгаалах хүнгүй учраас л гудманд таарсан хүмүүс зоддог байх гэж боддог.
Сэтгүүлч: Чи өөрийгөө хүмүүс миний оронд өөрсдийгөө тавиад үзвэл гэж нэг ярьж байсан. Энэ талаараа хуваалцаач
Осоржаамаа: Би гадаад л явж амьдрая гэж боддог. Яагаад гэвэл надад туслах хүн байхгүй. гудманд гарах гэхээр хэцүү. Тэрнээсээ болоод лайв хийж уйлж байсан.
Сэтгүүлч: Сүүлд машинтай болсон ямар машинтай болсон.
Осоржаамаа: Приустэй болсон.
Сэтгүүлч: Машинтай явахаар хүмүүс юу гэж байна.
Осоржаамаа: Нэг хүний машиныг шүргэчихсэн чинь аймар ууртай ирж алхаж ирээд хаалга онгойлгосноо ӨӨ Осоржаамаа байнашдээ яв яв гэж байсан. Замын хөдөлгөөнд оролцоод явж байхад хүмүүс П-ээр эхэлсэн үг их хэлдэг юм байна лээ.
Сэтгүүлч: Сүүлд кинотой болсон байсан тэр талаар дэлгэрэнгүй хэлж өгөөч
Осоржаамаа: Миний амьдралаар бүтээсэн кино. Багадаа яаж амьдарч байсан, одоо ямар амьдарч байна. Анх хотод орж ирээд зодуулж нүдүүлж ямархуу амьдарч байсан талаар кино.
Сэтгүүлч: Манай нийгэмд маш их хүчирхийлэлтэй болж. Чи үүнийх нь нэг гэрч, золиос болж, байнга дарамт мэдэрдэг хүний хувьд үүний талаар иргэдэд юу гэж хэлмээр байна.
Осоржаамаа:Залуучууд ч гэлтгүй эцэг эхчүүд хүртэл хүүхдүүдээ зөв хүмүүжүүлэх хэрэгтэй. Хүчирхийллийн эсрэг нэгдэж байгаа мөртлөө дэргэд байгаа хүндээ бүх бурууг чихэж, өөрийнхөө хүүхдийг л өмөөрөх ийм явдлууд маш их гардаг. Үүнийгээ нийгэм хүчирхийлэлтэй байна гэж хэлдэг. Хүмүүс бид нар л тэр хүчирхийлэлийг үйлдээд хийгээд байгаа болохоос нийгэм гээд зүйл чинь хүчирхийлэл хийгээгүй шүү дээ. Нийгэм чинь амьгүй зүйлшд.
Сэтгүүлч: Манайд ярилцлага өгсөн чамд баярлалаа. Чиний цаашдын ажил амьдралд амжилт хүсье.
Осоржаамаа: Танай хамт олонд ч гэсэн амжилт хүсье баярлалаа
Сэтгэгдэл бичигдээгүй байна