Коронавирусээр халдварласан 53 настай, эмэгтэй өнөөдөр эдгэрч, дараагийн шатны сувилалд шилжжээ.
Өнөөдрийн байдлаар, манай улсад коронавирусний халдварын 340 тохиолдол бүртгэгдсэн юм. Үүнээс 313 нь ийнхүү эдгэрснээр эдгэрэлт 92 хувьтай байна. Гэрийн ажиглалтад 9, сувиллын ажиглалтад 3 хүн байгаа бол 301 хүний ажиглалт, тандалтын хугацаа дуусжээ.
ХӨСҮТ-д одоогоор 27 хүн эмчлүүлж байгаагаас 19 хүний биеийн байдал хөнгөн, 8 нь хүндэвтэр оноштой байна.
Сүүлийн хоёр хоногт буюу энэ сарын 28,29-нд улсын хэмжээнд нийт 1 242 хүний сорьцод шинжилгээ хийхэд бүгд сөрөг гарсан талаар ХӨСҮТ-ийн ерөнхий захирал Д.Нямхүү танилцуулсан юм. Эдгээр шинжилгээг задалж танилцуулбал, энэ сарын 28-ны өдөр Токио-Улаанбаатарын онгоцоор ирсэн 28 хүний шинжилгээ, 16-нд Сөүл-Улаанбаатарын транзит нислэгээр ирсэн 250 хүний давтан шинжилгээ, 10-ны өдөр Токио-Улаанбаатарын онгоцоор ирсэн 174 хүний давтан шинжилгээ, 9-ний өдөр Өмнөд Судан улсаас ирсэн 214 энхийг сахиулагчийн давтан шинжилгээ, 27-нд Замын-Үүд боомтоор орж ирсэн 23 хүн, 22-нд Алтанбулаг боомтоор орж ирсэн 56 хүн, 17-нд Замын-Үүд боомтоор орж ирсэн 4 хүний давтан шинжилгээ, Энхийг сахиулах ажиллагаанд явах 221 алба хаагчийн шинжилгээ, тандалтын зорилгоор хийсэн 26, ХӨСҮТ-д тусгаарлагдсан 15, Орхон болон Дорноговь, Сэлэнгэ, Булган аймагт тусгаарлагдсан иргэд, тусгаарлан ажиглах байранд ажилласан 55 үүрэг гүйцэтгэгчийн шинжилгээ багтжээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна