Н.Учрал гишүүний эрүүл мэндийн байдал тогтворжсон.

Манай сайтын хамт олон Н.Учрал гишүүний 2 бөөр, элэг нь хүнд өвчилсөн талаарх мэдээг та бүхэнд хүргэсэн. Тодруулбал тэрээр Архангай аймгийн Цэнхэрийн халуун рашаанаас ухаан алдсан байдалтай Улсын хоёрдугаар төв эмнэлэгт хэвтэн эмчлүүлж байгаа. Энэ Ажлын албаны хэлж байгаагаар Н.Учрал гишүүний биеийн байдал хэвийн байгаа гэсэн. Мөн 2-р эмнэлгийн эх сурвалжаас авсан мэдээнээс Н.Учрал гишүүний эрүүл мэндийн байдал тогтворжсон. Бүх амин үзүүлэлтүүд хэвийн байна" гэсэн юм. Ямартай ч бидний хэлсэнчлэн Н.Учрал гишүүн Монгол Ардын Намын хэсэг бүлэг нөхөдтэй явсан нь үнэн, сэхээнд орсон нь үнэн гэдгийг хэд хэдэн эх сурвалжууд баталсан юм. Гэхдээ өнөөдрийн байдлаар түүний эрүүл мэнд сайжирч, бие нь тэнхээ орж байгааг дуулгаж байна.   УИХ-ын гишүүн Н.Учрал сүүлийн үед тэтгэврийн реформын талаар байнгын хорооны хурал дээр болон УИХ-ын чуулган дээр байр сууриа илэрхийлж, тэтгэврийн тухай хуулийг батлуулаад байсан юм.   Мөн тэрээр өөрийн цахим хуудсаараа дамжуулж уриалга гаргасан юм. УРИАЛГА: Иргэд та бүхэн маань Улсын Онцгой Комиссын заавар зөвлөгөөг онцгой сахиж мөрдөн, өөрсдийгөө болон гэр бүлээ хамгаалаарай. Улсын Их Хурлын үйл ажиллагаа маргаашнаас эхлэн албан ёсоор цахим горимд шилжиж байна. Яг энэ жишгийн дагуу бусад албан байгууллагууд ч гэсэн боломжит байдлаараа ажилчдаа цахимаар ажиллах боломж нөхцлийг бий болгохыг УРИАЛЖ байна.