Улаанбаатарт өнөөдөр 17-19 градус хүйтэн

Ойрын хоногуудад ихэнх нутгаар хүйтэн байхыг малчид, иргэд, тээвэрчдэд анхааруулж байна. Баруун болон зүүн аймгуудын нутгийн хойд хэсгээр солигдмол үүлтэй, Увс нуурын хотгороор ялимгүй цас орно. Бусад нутгаар цэлмэг. Салхи ихэнх нутгаар баруун хойноос секундэд 5-10 метр. Завхан голын эх, Хүрэнбэлчир орчмоор 24-29 градус, Алтай, Хангай, Хөвсгөл, Хэнтэйн уулархаг нутаг, Идэр, Эг, Үүр, Туул, Тэрэлж голын хөндийгөөр 18-23 градус, Сэлэнгийн сав газар, говийн бүс нутгийн баруун өмнөд хэсэг, цас багатай газраар 6-11 градус, бусад нутгаар 14-19 градус хүйтэн байна. УЛААНБААТАР ХОТ ОРЧМООР: Багавтар үүлтэй. Цас орохгүй. Салхи баруун хойноос секундэд 4-9 метр. 17-19 градус хүйтэн гэж ЦУОШГ-аас мэдээллээ.