Тайландын алдартай сэтгүүлүүдийн нүүр царай болж дэлхийн томоохон брэндүүдийг сурталчилдаг загвар өмсөгч эмэгтэй
Мими. Тайланд улсад хамгийн өндөр орлоготой загвар өмсөгч юм. Phajaranat Nobantao хэмээх хүү 12 настай байхдаа хамгийн анх Буддын шашны хийдэд шавилан сууж эхэлсэн бөгөөд нийт зургаан жилийн турш хийдийн лам байсан байна.
түүний эцэг эх ядуу байсан учир түүнийг буддын сүмд элсэн оруулж заримдаа түүнийг эргэж ирдэг байжээ. Тэрбээр 18 нас хүрээд лам хүний амьдралаар амьдрахыг хүсээгүй Сингапур улсыг зорьжээ.
Мими охин 22 насандаа
Тайландын супер модель болсон байна.
Лам хүү өсвөр насандаа шилжих үедээ гэнэт эмэгтэй хүүхэд шиг аашлан, нүүр будалт, гоёл чимэглэл гэх мэт охидын дурладаг зүйлсийг сонирхож эхэлсэн бөгөөд ааш зан нь ч бусдаасаа эрс өөр, тун эмэгтэйлэг болж буйг нь эргэн тойрных нь лам нар мэджээ.
Хэдийгээр тэр сүмд маш хатуу сахилга баттай орчинд амьдардаг байсан ч багын найзуудтайгаа уулзан хөхөө томруулахын тулд дааврын бэлдмэл уудаг байсан нь илэрчээ.
Тэр загвар өмсөгч, супермодель Yui Phetkanha-ийн үнэнч шүтэн бишрэгч байсан бөгөөд түүнтэй хэд хэдэн удаа уулзахдаа өөрт нь загвар өмсөх тухай хичээл заахыг алдарт моделиос хүсэж, загварын ертөнцөд хөл тавихаасаа өмнө гурван сарын турш шаргуу бэлтгэл хийжээ.
Тэрээр одоо Мими Тао (Mimi Tao) хэмээх нэрээр ажилладаг бөгөөд Тайландын хамгийн алдартай, эрэлт ихтэй дотуур хувцасны моделиудын нэг болжээ. Гэвч түүний туйлын мөрөөдлийн ажил нь загварын ертөнц биш тэр энэ бүхнийг ээжийнхээ өрийг дарахын тулд хийсэн хэмээн мэдэгджээ.
“Ирээдүйг хэн ч тааж мэдэх боломжгүй. Тийм ч учраас би буцаад лам болчихсон явж байхыг үгүйсгэхгүй. Яагаад гэвэл сахил хүртсэн лам байх нь миний хувьд хамгийн төгс амьдрал юм шиг санагддаг” хэмээн тэр өгүүлсэн байна.
Сэтгэгдэл бичигдээгүй байна