Их Британи “Pfizer-BioNTech” компанийн гарган авсан коронавирусын вакциныг ашигласан анхны орон болно гэж тус улсын Засгийн газар мэдээллээ.
“Эхний тунгуудыг эмнэлгийн ажилтнууд, 80-аас дээш насны иргэдэд мягмар гаргаас тарьж эхэлнэ” гэж Их Британийн Эрүүл мэндийн үндэсний газраас мэдээлжээ. Эхний долоо хоногт 800 мянга орчим тун вакцин тарих төлөвтэй байна.
Их Британи “Pfizer-BioNTech”-ийн вакциныг яаралтай тусламжийн зориулалтаар ашиглах зөвшөөрлийг өнгөрсөн долоо хоногт олгосон юм. АНУ-ын хувьд энэ сарын сүүлээр зөвшөөрөл өгч магадгүй байгаа юм.
Уг вакцинаас Их Британи 40 сая тунг захиалжээ. Нэг хүнд хоёр тун вакцин хийх шаардлагатай тул түүгээр 67 сая орчим хүн амын 20 саяыг вакцинжуулах боломжтой ажээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна