БНХАУ-ын нийслэл Бээжин хотын Өвчинд хяналт тавих, урьдчилан сэргийлэх төв импортын хөлдөөсөн хүнсний бүтээгдэхүүнтэй холбоотой коронавирусын халдварын олон тохиолдол бүртгэгдсэнтэй холбогдуулан өнгөрсөн ням гарагт удирдамж гаргажээ.
“Хөлдөөсөн хүнсний бүтээгдэхүүнтэй харьцдаг салбарын ажилтнууд халдвараас өөрсдийгөө хамгаалж, амны хаалт зүүж, нэг удаагийн бээлий өмсөхөөс гадна шаардлагатай тохиолдолд дүрэмт хувцсаа халдваргүйжүүлэх хэрэгтэй” гэж уг баримт бичигт дурдсан байна.
Мөн ийм төрлийн бүтээгдэхүүнийг ачиж тээвэрлэдэг ажилтнууд ч гэсэн хамгаалалтын шил, нүүрний хаалт зүүж, бараа бүтээгдэхүүнд шууд хүрэхээс зайлсхийх хэрэгтэй ажээ.
Өвчинд хяналт тавих, урьдчилан сэргийлэх төвийн орлогч дарга Пан Шинхуогийн мэдээлснээр, БНХАУ-д хөлдөөсөн хүнсний бүтээгдэхүүний салбарын ажилтнууд халдвар авсан олон шинэ тохиолдол бүртгэгдсэн байна.
БНХАУ коронавирусын импортын хүнсээр дамжин тархахаас урьдчилан сэргийлэх арга хэмжээнүүдийг хэрэгжүүлсээр байгаа юм. Тодруулбал, Тээврийн яам хилийн чанадаас импортолсон хөлдөөсөн хүнсний бүтээгдэхүүнээс халдвар дамжихаас сэргийлэх удирдамжийг 11 дүгээр сарын дундуур гаргажээ.
“Импортын хөлдөөсөн гахайн махны савлагаанаас цуглуулсан сорьцоос коронавирус илэрлээ" гэж Тяньжинь хотын эрх баригчид ням гарагт мэдээлжээ. БНХАУ-д импортын хөлдөөсөн хүнснээс вирус илэрсэн тохиолдол өмнө нь хэд хэдэн удаа бүртгэгдсэн байна.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна