АНУ-ын Хүнс, эмийн чанарын хяналтын газар /FDA/ “Moderna” компанийн коронавирусын эсрэг вакциныг хэрэглэх зөвшөөрөл олгожээ.
“АНУ-ын Хүнс, эмийн чанарын хяналтын газар /FDA/ онцгой байдлын үед коронавирусний хоёр дахь вакциныг хэрэглэх зөвшөөрөл олголоо. Онцгой байдлын үед ашиглах зөвшөөрөл нь вакциныг 18 болон түүнээс дээш насны хүмүүсийг вакцинжуулахдаа ашиглах боломжийг олгож байгаа юм” хэмээн АНУ-ын Эрүүл мэнд, нийгмийн хамгааллын албаны харьяа байгууллагын мэдэгдэлд дурджээ.
Өмнө нь АНУ “BioNTech”, “Pfizer” компаниудын вакциныг хэрэглэхийг зөвшөөрсөн юм.
“Коронавирусын эсрэг хоёр вакциныг хэрэглэхийг зөвшөөрснөөр өдөр бүр олон хүнийг үхэлд хүргэж буй цар тахалтай тэмцэхэд бас нэгэн чухал алхам боллоо” хэмээн Эрүүл мэнд, нийгмийн хамгааллын алба харьяа байгууллагын тэргүүн Стивен Хан мэдэгджээ.
“Баяр хүргэе! “Moderna” компанийн вакциныг хэрэглэх боломжтой боллоо” хэмээн АНУ-ын Ерөнхийлөгч Дональд Трамп “Твиттер” хуудастаа тэмдэглэсэн байна.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна