"Монгол Савхи", "Тавантолгой" ХК-ийн хувьцааны ханш хамгийн өндөр өсөлттэй байна

2020 оны 12 дугаар сарын 21-ний өдөр энгийн арилжаагаар 32 хувьцаат компанийн 85,383,137 төгрөгийн үнийн дүн бүхий 546,596 ширхэг хувьцаа арилжигдсанаас 15 хувьцаат компанийн хувьцааны ханш өсч, 10 хувьцаат компанийн хувьцааны ханш буурсан бол 7 үнэт цаасны ханш тогтвортой байлаа. Үүнээс "Монгол Савхи" ХК (UYN +10.05%) болон "Тавантолгой" ХК (TTL +3.47%)-ийн хувьцааны ханш хамгийн өндөр өсөлттэй байсан бол "Дөрвөн-Уул" ХК (DRU -9.09%) болон "Монгол Шевро" ХК (MVO -6.17%)-ийн  хувьцаа хамгийн их уналттай байлаа. “Үндэсний хувьчлалын сан" хамтын хаалттай ХОС-ийн 7,570 ширхэг нэгж эрхийг нийт 794,994 төгрөгөөр арилжигдсан байна. Компанийн бондын хоёрдогч зах зээлийн арилжаагаар 73 ширхэг бонд 7,373,730 төгрөгөөр арилжигдсан байна. ТOP-20 индекс 0.82 хувиар өсч, 18494.12 нэгжид хүрсэн бол зах зээлийн үнэлгээ 2,889,986,713,364.72 төгрөг боллоо.