БНСУ-д коронавирусын шинэ хувилбараар халдварласан анхны тохиолдол илэрчээ

Их Британи улсаас БНСУ-д ирсэн гурван хүнээс коронавирусын шинэ хувилбар илэрлээ гэж тус улсын Өвчинд  хянал тавих, урьдчилсан сэргийлэх төв (KDCA) мэдээлжээ. Их Британиас 12 дугаар сарын 22-нд ирсэн коронавирустэй гурван хүний сорьцод генетикийн шинжилгээ хийхэд хувьссан вирус илэрсэн байна. Тэд Лондонд амьдардаг бөгөөд гэр бүлээрээ ирснийх нь дараа шинжилгээнд хамруулахад коронавирус илэрчээ. Түүнчлэн Их Британиас гэр бүлээрээ ирсэн өөр дөрвөн хүний ​сорьцыг шинжилж байгаа аж. Их Британид илүү хурдан халдварладаг коронавирусын шинэ хувилбар 12 дугаар дундуур илэрсэн билээ. Хувьссан вирус нь 70 хувиар илүү хурдан халдварладаг гэж дүгнэж байгаа боловч илүү хурдан үхэлд хүргэдэг эвсэл өвчний явцыг хүндрүүлдэг гэсэн нотолгоо одоогоор байхгүй байгаа юм. Коронавирусын энэ хувилбар одоогоор найман оронд илрээд байна. ОХУ-ыг оруулаад хэд хэдэн улс Их Британитай нислэгээ зогсоосон юм. БНСУ-ын хувьд 12 дугаар сарын 23-наас Их Британитай нислэгээ зогсоож, тус улсаас ирсэн коронавирусын халдвартай бүх хүний сорьцод генетикийн шинжилгээ хийж эхэлсэн тухай өмнө нь мэдээлсэн билээ. Нислэгээ зогсоосон байгаа хэдий ч Их Британиас гуравдагч орнуудаар дамжин БНСУ-д хүрэх боломжтой байгаа юм. БНСУ-д нэг өдрийн дотор коронавирусын халдварын 808 шинэ тохиолдол илэрч, халдварын нийт тохиолдол 57'680 болжээ.