Өмнөд Африкт коронавирусээр халдварласан хүний тоо нэг сая давснаар халдварын ийм тохиолдол бүртгэгдсэн Африкийн анхны орон боллоо.
Өмнөд Африкийн эрх баригчид улс орондоо коронавирусын шинэ, хурдан халдварладаг хувилбар тархсан талаар хэдхэн хоногийн өмнө мэдээлсэн юм.
Ерөнхийлөгч Сириль Рамафоса коронавирусын шинэ хувилбарыг нэмж тархахаас урьдчилан сэргийлэхийн тулд илүү хатуу хязгаарлалтуудыг танилцуулах төлөвтэй байна.
Өмнөд Африкт халдварын анхны тохиолдол гуравдугаар сард бүртгэгдсэнээс хойш 1'004'413 хүн халдвар авч, 26'735 хүн нас барлаа гэж тус улсын Эрүүл мэндийн сайд Звели Мхизе ням гарагт мэдэгджээ.
Өнгөрсөн долоо хоногт Өмнөд Африкт өдөрт дунджаар халдварын 11'700 тохиолдол шинээр илэрсэн нь өмнөх долоо хоногийнхоос 39 хувиар өсжээ. Мөн лхагва гаргаас баасан гарагт 14 мянгаас дээш тохиолдол өдөрт бүртгэгдсэн байна.
Коронавирусын халдварын тохиолдлын тоо олноор нэмэгдэж байгааг “501.V2” хувилбартай холбоотой гэж мэргэжилтнүүд үзэж байна. Уг хувилбарыг Зүүн Кейп мужийн судлаачид анх илрүүлсэн бөгөөд түүнээс хойш бусад бүс нутагт хурдацтай тархжээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна