ОНЫ ОНЦЛОХ УЛС ТӨРЧ

Энэ хүн бол Монгол Улсын Их Хурлын гишүүн. Тэрээр 2020.06.02-нд УИХ-ын ээлжит сонгуульд нэр дэвшигчийн үнэмлэхээ албан ёсоор гардан авч сурталчилгааны ажлаа хуулийн дагуу эхлүүлсэн. Гэвч түүнийг хууль бусаар цагдан хорьсноор сонгогчидтойгоо хийх уулзалтууд, өөрийн сонгуулийн багийг удирдлагаар хангах гээд товчхондоо түүний хувь хүнийхээ, улс төрчийнхөө, нэр дэвшигчийнхээ хувьд, тэр ч бүү хэл УИХ-ын гишүүний хувьд олгогдсон эрх, хийж болох зүйлс хязгаарлагдсан. хүч тэнцвэргүй, тэнгэр газар мэт ялгаатай нөхцөлд тэрээр сонгуульд өрсөлдсөн. Магадгүй энэ нь түүнд улс төрчийнх нь хувьд байж болох маш том сорилт байсан байх. Сорилтыг тэр давсан, Сэлэнгэчүүдийн сонголт Жаргалтулгын Эрдэнэбат хэмээх улс төрчийн нэр хүнд, хүлээн зөвшөөрөгдсөн байдал, түүнчлэн хийж хэрэгжүүлсэн ажил, эдгээрээс үүдсэн итгэл, дэмжлэгийг олон нийтэд нотолсон. Яах аргагүй оны онцлох УЛС ТӨРЧ. УИХ-ын гишүүний үнэмлэхээ авсан, сонгогдсон УИХ-ын гишүүн, улс төрч.