Хүн бүхэнд адилхан 24 цаг ноогддог ч түүнийг юунд зарцуулах вэ гэдэг нь харилцан адилгүй. Тэгвэл
Our World in Data байгууллага 33 орны 15-64 насны иргэд цагаа юунд зарцуулж буйг судалжээ.
Судалгаанаас үзэхэд, япончууд өдөрт хамгийн олон цаг буюу 5.5 цаг ажиллаж байна. Харин Европын улсууд, тэр дундаа Франц, Испанийн иргэд өдөрт 3 хүрэхгүй цагийг цалинтай ажлаа хийхэд зарцуулж байгаа аж.
Соёлын ялгаанаас үүдсэн сонирхолтой үр дүнгүүд ч ажиглагджээ. Тухайлбал, Мексик, Португалд хүмүүс өдөрт 3 ба түүнээс дээш цагийг зөвхөн гэрийн ажилд зориулдаг гэж хариулжээ.
Хооллоход өндөр ач холбогдол өгдөг Газар дундын тэнгисийн орнууд болох Франц, Грек, Итали, Испани гэсэн улсууд өдөрт дунджаар 2 орчим цагийг хооллож өнгөрөөж байна.
Тэгвэл америкчууд өдөрт 2.5 цагийн медиад (зурагт үзэх, сошиал медиагаар зочлох гэх мэт) зарцуулж байгаа бөгөөд цар тахлын үед энэ нь улам нэмэгдэх хандлагатай байгаа онцолжээ. Мөн хамгийн унтамхай улсаар Өмнөд Африк тодорчээ. Тэд ойролцоогоор 9 цагийг унтаж өнгөрүүлж байна.
Эх сурвалж: We Forum 
Сэтгэгдэл бичигдээгүй байна