31 хувьцаат компанийн 70 гаруй сая төгрөгийн 208,461 ширхэг хувьцаа арилжигдлаа

2021 оны 1 дүгээр сарын 08-ны өдөр энгийн арилжаагаар 31 хувьцаат компанийн 69,663,696.45 төгрөгийн үнийн дүн бүхий 208,461 ширхэг хувьцаа арилжигдсанаас 16 хувьцаат компанийн хувьцааны ханш өсч, 14 хувьцаат компанийн хувьцааны ханш буурсан бол 1 үнэт цаасны ханш тогтвортой байлаа. Үүнээс "Булган ундрага" ХК (BUN +14.98%) болон "Эрдэнэ Ресурс Девелопмент Корпорэйшн" ХК (ERDN +10.40%)-ийн хувьцааны ханш хамгийн өндөр өсөлттэй байсан бол "Баянтээг" ХК (BTG -13.73%) болон "Жуулчин дюти фрий" ХК (SUL -6.25%)-ийн  хувьцаа хамгийн их уналттай байлаа. “Үндэсний хувьчлалын сан" хамтын хаалттай ХОС-ийн 9,267 ширхэг нэгж эрхийг нийт 991,531төгрөгөөр арилжигдсан байна. ТOP-20 индекс 0.18 хувиар өсөж, 19098.28 нэгжид хүрсэн бол зах зээлийн үнэлгээ 3,028,869,555,571.79 төгрөг боллоо.