"Булган ундрага" болон "Хөх ган" ХК-ийн хувьцааны ханш хамгийн өндөр өсөлттэй байна

Монголын Хөрөнгийн биржид өнөөдөр, 1 дүгээр сарын 14-нд энгийн арилжаагаар 33 ХК-ийн 88,216,432.18 төгрөгийн үнийн дүнтэй 506.427 хувьцаа арилжив. Үүнээс 12 ХК-ийн хувьцааны ханш өсөж, 15 ХК-ийн хувьцааны ханш буурсан бол 6 үнэт цаасны ханш тогтвортой байв. Энэ өдөр "Булган ундрага" (BUN+14.97%) болон "Хөх ган" ХК (HGN+4.84%)-ийн хувьцааны ханш хамгийн өндөр өсөлттэй байсан бол "Оллоо" (OLL-13.79%) болон "Монгол Базальт" ХК (MBW-7.05%)-ийн  хувьцаа хамгийн их уналттай байлаа. “Үндэсний хувьчлалын сан" хамтын хаалттай хөрөнгө оруулалтын сан (ХОС)-гийн 13.835 нэгж эрхийг нийт 1.4 сая төгрөгөөр арилжсан байна. Энэ өдөр багцын арилжаанд нийт 35.800 үнэт цаасыш 36.6 сая төгрөгөөр арилжлаа. ТOP-20 индекс 0.8 хувиар буурч, 19062.85 нэгжид хүрсэн бол зах зээлийн үнэлгээ 2,986,650,598,826.04 төгрөг боллоо.