Цагтаа шадар сайд С.Амарсайхантай хотын даргын суудлын төлөө заалнаас дэвшиж, үүнийхээ хариуд намаасаа хөөгдсөн, УИХ-ын 2020 оны сонгуульд Сонгинохайрхан дүүрэгт бие даан нэр дэвшиж байсан С.Мөнхчулууныг Монгол Ардын Нам эргэн намдаа нэгдэхийг хүсэж буцаан элсүүлж чаджээ.

С.Мөнхчулууны хувьд ХБНГУ-д боловсрол эзэмшсэн. МАН-ын залуу боловсон хүчнүүдийг нэг.

Тэрээр УИХ-ын сонгуульд нэр дэвшигчид тодруулах үед "Хэрэв МАН намайг буцаан дуудаж элсүүлж нэр дэвшүүлэх юм бол надад татгалзах зүйл байхгүй" гэж хэлж байсан юм.

    Түүнийг зарим улс төрчид Сонгинохайрхан дүүргийн УИХ-ын нөхөн сонгуульд МАН-аас нэр дэвших эсхүл Хотын орлогч болох боломжтой хүмүүсийн нэг хэмээн үзэж байна. Ямартай ч түүнийг чулуудсан нам эргэн элсүүлж улс төрийн хүрээнд дайсагналаа зогсоож эв найртайгаар урагшлахаар шийдсэн гэдэг нь МАН-ын генсек Д.Амарбаясгалангийн нүүдлээс харагдаж байна.