Улаанбаатар хотоос Баян-Өлгий аймгийг чиглэн зорчиж явсан “Кроун” загварын суудлын автомашин том оврын автобустай мөргөлдөж 2 хүн газар дээрээ нас баржээ.
Зам тээврийн осол өнгөрсөн шөнө Говь-Алтай аймгийн Шарга сумын Сондуулт багийн нутаг болох “Улаан тээг” гэдэг газарт болжээ. “Грандбирд” загварын том оврын автобус Ховд аймгийн Жаргалант сумаас Улаанбаатар хотын чиглэлд зорчиж явсан аж.
Говь-Алтай аймгийн Онцгой байдлын газрын алба хаагчид дуудлагын дагуу ослын газарт очиход Баян-Өлгий аймгийн харьяат 29 настай, эрэгтэй Б, Ховд аймгийн Жаргалант сумын харьяат 56 настай, эмэгтэй О нар автомашины төмөр хийцэд хавчуулагдан нас барсан байжээ. Мөн 11 хүн бэртэж гэмтсэн байсныг Эмнэлгийн байгууллагад хүлээлгэж өгсөн байна.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна