Зэвсэгт хүчний 032 дугаар ангид гарсан цэргийн дэглэлттэй холбоотой асуудлаар ЗХЖШ-ын Хэвлэл мэдээллийн албаны дарга Б.Отгонбаяр тайлбар өглөө.
Тэрбээр “2019 оны есдүгээр сарын сүүлчээр цэргийн албан хаагчдын хооронд харилцааны дүрмийн бус зөрчил гарсан. Үүний шалтгааныг тодруулахаар өнөөдөр ажлын хэсэг томилогдоод ажиллаж байна. 2019 оны нэгдүгээр ээлжээр татагдан ирсэн цэргийн албан хаагч 2019 оны хоёрдугаар ээлжээр ирсэн хоёр цэргийн албан хаагчтай ийнхүү дүрмийн бус харилцааны зөрчил гаргасан нь үнэн болох нь тогтоогдсон.
Ингээд хугацаат цэргийн алба хааж байгаа цэргүүдийн эцэг эхчүүдээс уучлалт хүсч байна. Мөн халагдсан цэргийн алба хаагч нар энэ зөрчлийн шалтгаан нөхцөлийг тодруулахаар хууль хүчний байгууллагуудтай хамтран ажиллаж болно. Мөн зэвсэгт хүчний 032 дугаар ангийн хугацаат цэргийн албан хаагчдын эцэг эхчүүд халдвар хамгааллын дэглэм сахиад, танилцах боломжтой” гэлээ.
Сэтгэгдэл бичигдээгүй байна