Хөвсгөл аймгийн Мөрөн сумын Цагаан-Эрэг гэдэг газар таван хүн зугаалж явснаас нэг нь согтууруулах ундаа хэрэглэсэн үедээ "Дэлгэрмөрөн" голын усанд сэлэхээр ороод осолдсон харамсалтай явдал өчигдөр гарчээ.
Энэ тухай дуудлага өчигдөр буюу долдугаар сарын 7-ны 16:00 цагт Онцгой байдлын газар иржээ. Дуудлагын дагуу тус аймгийн Онцгой байдлын газрын Эрэн хайх, аврах салбарын алба хаагчид долоон километр зам туулан 16:14 цагт очсон байна.
Улмаар эрлийн ажлыг эхлүүлж, тухайн өдрийн 16:46 цагт иргэн Б-ын цогцсыг осолдсон газраас хоёр километрын зайд буй “Дэлгэрмөрөн” голын усны мандлаас олж, аймгийн Цагдаагийн газрын мөрдөгчид хүлээлгэн өгчээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна