Шумуулд хазуулсан үед ямар арга хэмжээ авах вэ

Шумуулд хазуулсан үед ямар арга хэмжээ авах талаар Гэмтэл согог судлалын үндэсний төвөөс дараах зөвлөгөөг хүргэж байна.

• Хэрвээ шумуул хазсан хэсэгт хүчтэй загатнавал хумсаараа хамаагүй маажиж болохгүй. Учир нь халдвар орж болзошгүй.
• Нэг аяга буцалсан бүлээн усанд нэг цайны халбага сода хийж сайтар уусгаад, шумуулд хазуулсан хэсэгтээ шавш.
• Хүйтэн усанд норгосон цэвэрхэн даавуу эсвэл үнэртэй ус, этилийн спиртийг бага зэргийн хөвөнд шингээгээд өвчтэй байгаа газраа тавь.
• Шумуул хазсан хэсэгт ногоорсон эсэхийг шалгаж үзэх хэрэгтэй. Хэрвээ олон хоног ямар нэгэн таагүй зүйл мэдрэгдэж улмаар үрэвссэн байвал харшлын эмчид хандах шаардлагатай.

Эх сурвалж: ГССҮТ