Э.Бат-Амгалан: Төрийн үйлчилгээг иргэдэд цалгардуулалгүйгээр хүргэж, бүтээн байгуулалтын ажлуудыг эрчимжүүлэх шаардлагатай!

УИХ-ын гишүүн Э.Бат-Амгалан өнөөдөр өөрийн сонгогдсон Баянзүрх дүүргийн удирдлага, харьяа хэлтсийн алба хаагчидтай уулзаж санал бодлоо солилцжээ.

Тэрээр өөрийн цахим хуудаснаа "Баянзүрх дүүргээс сонгогдсон гишүүний хувьд иргэдээс ирүүлсэн санал хүсэлтийн үндсэн дээр Баянзүрх дүүргийн Засаг даргын тамгын газрын удирдлага, харьяа хэлтсийн алба хаагчидтай уулзаж санал бодлоо солилцлоо.

• Иргэдийн хувьд төрийн үйлчилгээг удаан хүргэдэг, харилцаа хандлагын асуудлаас эхлээд бүтээн байгуулалтын ажил удаашралтай байгаа талаар хэлсэн.
• Баянзүрх дүүрэг бол нийслэлийн хэмжээнд хамгийн том дүүрэг. Тэр ч утгаараа дүүрэг орон нутаг хийж буй бүтээн байгуулалтын ажлаа эрчимжүүлж, сэтгэл, зүтгэл гаргаж ажиллах шаардлагатай байна
• Төрийн үйлчилгээг иргэдэд цалгардуулалгүйгээр хүргэж, бүтээн байгуулалтын ажлуудыг эрчимжүүлэх шаардлагатай байна" гэжээ.