Нийслэлийн Чингэлтэй дүүргийн 13 дугаар хороонд гэр шатаж, 23 настай эмэгтэй, гурван настай хүүхэд өртөн амиа алджээ. Гал гарсан тухай дуудлагыг өнөөдөр буюу аравдугаар сарын 12-ны 05:18 цагт өгсөн байна.
Тус дүүргийн Гал түймэр унтраах, аврах 10 дугаар ангийн алба хаагчид 05:19 цагт гарч, зургаан км зам туулан 05:25 цагт очиход таван ханатай гэр, 2х2 метрийн хэмжээтэй амбаар шатаж байсныг таван минут ажиллаж унтраажээ.
Уг гал түймэрт 25 настай эрэгтэй, 3 сартай хүүхэд түлэгдэн гэмтэж, 23 настай эмэгтэй, 3 настай хүүхэд амиа алдсан талаар ОБЕГ-аас мэдээллээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна