"Манзушир хутагт сан"-гаас санаачилсан "Манзушир" соёл, шашин, аялал жуулчлалын цогцолборын эхний ажил Зуунмод хот-Манзушир хийдийг холбосон 7.0 км автозамын зорчих хөдөлгөөнийг өнөөдөр албан ёсоор нээлээ.
Энэхүү зам нь 350 гаруй жилийн түүхтэй Манзушир хийдийг сэргээн засварлан, түүхэн дурсгалт, соёл, шашин, аялал жуулчлалын цогцолбор байгуулах ажилд чухал үүрэг гүйцэтгэх бөгөөд Төв сайхан нутагт олон улсын аялал жуулчлалын томоохон бүс нутаг болох боломжийг бүрдүүлж байна.
Уг автозам нь хөдөлгөөний хоёр зурвастай, 13 метрийн өргөн далан, долоон метрийн өргөн зорчих хэсэг, явган хүний болон дугуйн зам, ногоон байгууламж, гэрэлтүүлэг бүхий бүрэн тохижилттой зам юм.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна