Яармагийн зам дээр бага насны хүүхэд автомашинд дайруулжээ

Өнөөдөр өглөө 08:19 цагийн үед Яармагийн зам дагуу байрлах \British school\ хойд гарцан дээр 10 настай хүүхэд “Honda CR-V” маркийн автомашинд дайруулсан зам тээврийн осол бүртгэгджээ. Энэ талаар ТЦА-аас тодруулбал, хүүхдийн биеийн байдал тогтвортой, ил харагдах шархгүй бөгөөд эмнэлэгт хүргэгдэн нарийн шинжилгээнд хамрагдаж байгаа аж. Ташрамд дурдахад энэ сарын 5 Хан-Уул дүүрэг /ХУД/-ийн 6 дугаар хороо Чингисийн өргөн чөлөө, Яармагийн эмнэлгийн хойд зам, явганы гарцан дээр “BMW X3” маркийн автомашины жолооч Б нь явган хүний гарцаар гарч байсан Б, О нарыг мөргөсөн ноцтой зам тээврийн осол гарсан билээ.