Сэлэнгэ: Орос, Монгол хоёр жолоочоос сэжигтэй тохиолдол илэрчээ

Сэлэнгэ аймгийн Засаг дарга, аймгийн онцгой комиссын дарга Ш.Оргил мэдээлэл хийлээ. Тус аймагт халдвартай нь тогтоогдсон 70 настай иргэн Ц-ийн ойрын хавьтал болох 24 иргэнийг "Номин" зочид буудалд, 12 иргэнийг аймгийн Нэгдсэн эмнэлгийн халдвартын тасагт тусгаарлан, ажиглаж байгаа аж. Нийт 300 иргэнээс авсан шинжилгээ сөрөг гарсан бол "Алтанбулаг" боомтоор орж ирсэн ачаа тээврийн 59 жолоочоос шинжилгээ авахад Монгол Улсын 1, ОХУ-ын 1 жолоочийн түргэвчилсэн оношлуурын хариу эерэг гарч, нийслэл рүү шилжүүлээд байгаа аж.