Их Британи “Moderna” компанийн гарган авсан коронавирусын вакцинаас нэмж 2 сая тунг нийлүүлэх гэрээ байгуулжээ. Өмнө нь тус компанийн вакцинаас 5 сая тунг захиалаад байсан юм.
“Moderna” компанийн вакцинаас нэмж 2 сая тунг нийлүүлэх гэрээнд Их Британийн Засгийн газар ням гарагт гарын үсэг зурав. Тийнхүү нийт захиалсан туны хэмжээ 7 сая болж, 3.5 сая хүнийг вакцинцжуулалтад хамруулахад хангалттай хэмжээнд хүрлээ” хэмээн Их Британийн Засгийн газрын цахим хуудасны мэдэгдэлд дурдсан байна.
Одоогоор Их Британи янз бүрийн коронавирусын вакцин үйлдвэрлэгчдээс нийт 357 сая тун вакцин нийлүүлэх урьдчилсан гэрээ байгуулжээ. Үүнээс 100 сая тун нь Их Британи-Шведийн “AstraZeneca” компанийн Оксфордын их сургуультай хамтран гарган авсан вакцин юм.
Гучин мянган хүн оролцсон туршилтын гуравдугаар үе шатны явцад вакцин нь 94.5 хувийн үр дүн үзүүлсэн тухай “Moderna” компани 11 дүгээр сарын 16-нд мэдэгдсэн билээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна