Тохиолдлын 2,9 хувьд нь 15-аас дээш хоногт халдвар илэрсэн

Эрүүл мэндийн яамны хэвлэлийн хурлын үеэр сэтгүүлчдийн асуултад хариулсныг хүргэж байна.

-Халдвар тархах хугацаа 21 хоног байсан бол тав хоногт илэрч байна гэсэн нь ямар учиртай вэ?

ХӨСҮТ-ийн Тандалт судалгааны албаны дарга А.Амбасэлмаа: Халдварт өвчний нууц үеийн хугацаа гэдэг нь эрүүл хүн халдвартай хүнтэй уулзсанаас хойш эмнэл зүйн шинж тэмдэг илрэх эсвэл лабораторийн шинжилгээгээр халдвар авсан нь илрэхийг хэлж байгаа юм. ДЭМБ нууц үеийн хугацааг 14 хоног гэж байгаа. Монгол Улсад короновирус зөөвөрлөгдөн орж ирснийг ард иргэддээ халдаахгүйн тулд тохиолдлын шинжилгээг 3 удаа авч, 21 хоног ажиглан тусгаарлаж байсан. Тухайн үед шинжилсэн иргэдийн 82 хувьд 24-48 цагт, 11 хувьд нь 48 цагаас хойш 14 хоногт илэрч байсан. Харин 2,9 хувь нь 15-с дээш хоногт короновирус илэрсэн. Иймд 2,9 хувийн эрсдэлийг тооцож 10 сарын турш 21 хоногийн тусгаарлалтыг хэрэгжүүлж ирсэн. Нууц үеийн хугацаа 21 байгаад өнөөдөр 14 хоног болсон гэж эндүүрч болохгүй.

Халдварын гинжин хэлхээгээр нууц үеийн хугацаа тогтоодог. Энэ нь 1-14 хоног байна. Халдвартай хүнтэй харьцсанаар дунджаар 5-6 хоногт эмнэл зүйн шинж тэмдэг илэрч байна. Энэ хугацаа халдвар судлалын хувьд ач холбогдолотой болохоос ард иргэдийн дунд 14 хоног гэдэг дээд хязгаараар авч үздэг. Халдварын голомтын цар хүрээ тогтоох, хавьтлыг судлах, цаашид ямар арга хэмжээ авах вэ гэдгийг төлөвлөхөд ач холбогодлтой учир би 14 хоног гэж хэлсэн.Монгол улсад халдвар орж ирсэн, эрсдэлийг тооцсон, нууц үеийн хугацаа тооцсон, 14 хоногт халдварын шинж тэмдэг илэрнэ гэж ойлгох хэрэгтэй. Ойрын хавьтлыг 14 хоног хатуу тусгаарлан ажиглаж байгаа. Өнөөдөр Улаанбаатарт ойрын хувьтлын 1100 хүн байна. Дотоодод халдварласан анхны тохиолдлын хавьтлуудыг 14 хоног тусгаарлан 200 гаруй хүнийг гэрийн ажиглалтад гаргасан.

-Улаанбаатар хотод гадуур явсан хүнээс халдвар илэрсэн гэсэн үнэн үү?

А.Амбасэлмаа: Нийслэлд гадуур явсан хүнээс халдвар илрээгүй. Хавьтал болсон хүнийг тусгаарлаад, шинээр халдварын тохиолдол илрэхэд ойрын хавьтлыг тогтоож байгаа учир халдварын тархалт хямгатай байна. Гэхдээ энэ өвчлөл нь халдвар авсан хүний хавьтал, хавьтлын хавьтал гээд өргөжиж явдаг учир хөл хориог сунгаж байгаа.

-Өнгөрсөн оны өдийд ханиад томуугийн өвчлөл ямар байсан судалгаа шинжилгээний талаар мэдээлэл өгөөч?

А.Амбасэлмаа: Өнгөрсөн оны өдий Монгол Улсад томуугийн А хүрээний H3N2, В вирусын халдвар гарсан. Тухайн үед эмнэлэгт хэвтэн эмчлүүлэгсдийн дийлэнх нь эдгээр вирусны хавсарсан тохиолдол байсан. Судалгааг 100 гаруй хүнд хийхэд короногоор өвчилсөн хүн байгаагүй. Дэлхийд короновурусний өвчлөл гарч, хариу арга хэмжээ авснаар иргэд амны хаалт хэрэглэж, ханиад томуу буурсан.

-Бэлэн байдлын зэргийг 10 хоногоор сунгаснаар тархалтыг бүрэн олох боломжтой юу? Сэжигтэй болон батлагдсан тохиолдлын ойрын хавьтал болсон хэчнээн сурагч байгаа вэ?

А.Амбасэлмаа: Сургуулийн сурагчдын дунд короновирус одоогоор бүртгэгдээгүй. Сургуулийн багш өвдсөн байсан ч нууц үеийн хугацаагаар хөөхөд зай нь хол байсан. Гэхдээ хүүхдүүдээс шинжилгээ авахад короновирус илрээгүй.

ЭМЯ-ны Тандалт, Шуурхай удирдлагын хэлтсийн дарга Д.Нарангэрэл: Томуугийн харуулдан тандалтыг лабораторийн аргаар илрүүлэх, мөн тухайн орон нутагт байгаа уушгины өвчтэй, ханиад, хатгаа өвчтэй хүмүүсийг судалж хийдэг. Үүнийг насны бүлгээр тандаж гаргадаг. Өнгөрсөн жилд А хүрээний H 1,H3 N2 виурсын томуугийн өвчлөл байсан. Жил бүр томуу өвчнөөр 0-4, 0-9 насны хүүхдүүд голдуу өвчилдөг. Тухайн үед насны бүтцэд өөрчлөлт ороогүй учир улирлын томуу байсан гэж баталдаг. Короноюирус дэлхийд тархсантай холбоотой АШУИС болон бусад судлаач нар хамтран харуулдан тандалтын судалгаа хийж байгаа. Энэ бүх зүйлээр короновиурас Монгол Улсад 11 дүгээр сараас эхэлж дотоодод гарсныг тархвар судлал, лабораторийн шинжилгээгээр хэлж байна.

-Орон нутаг руу буцах иргэдээс шинжилгээ авах ажил өчигдөр зохион байгуулалт муу байсан. Өнөөдөр яаж сайжруулж байна вэ?

Д.Нарангэрэл: Орон нутагт явах иргэдийг зохион байгуулах ажлын хэсэгт ЭМЯ-ны Төрийн нарийн бичгийн дарга Я.Амаржаргал ороод ажиллаж байгаа. Өнөөдөр үйл ажиллагаа жигдэрсэн. Өчигдөр дутагдалтай байсан нь нэг талаас иргэдийн өөрсдийн оролцоо, нөгөө талаас www.119.mn  сайтын бүртгэлд техникийн саатал гарсантай холбоотой асуудал үүссэн. Өнөөдөр ажлын хэсэг бүх газраар явж ажлыг сайжруулж байна.

-ХӨСҮТ-д хүнд байгаа 2 хүний биеийн байдал сайжрах төлөв байна уу, Цэргийн төв эмнэлэгт 4 хүн хүнд байгаа гэсэн?

А. Амбасэлмаа: ХӨСҮТ-д маш хүнд 2 хүн байгаа. Цэргийн төв эмнэлэгт 4 хүн бий. Эдгээр хүмүүсийн биеийн байдал тогтворжиж байгаа.