АНУ-ын Ерөнхийлөгчөөр сонгогдоод байгаа Жо Байден даваа гарагт “Pfizer”, “BioNTech” компаниудын коронавирусын эсрэг вакцины эхний тунг хэвлэл мэдээллийн ажилтнуудын дэргэд хийлгэжээ.
Вакцин хийлгэх үеэрээ тэрбээр эмч нарт талархал илэрхийлсэн байна. Түүнчлэн Жо Байден Бүгд Найрамдах намын гишүүн Дональд Трампын засаг захиргааны боловсруулсан “Вакцин хөгжүүлэлт, түгээлтийн үйл ажиллагааны гайхалтай хурд” хөтөлбөрийг магтан сайшаажээ.
Жо Байдены шилжилтийн багийн зөвлөх Жен Псакийн мэдэгдсэнээр, АНУ-ын дэд ерөнхийлөгчөөр сонгогдсон Камала Харрис, түүний нөхөр Дуглас Эмхофф нар ирэх долоо хоногт вакцин хийлгэх аж.
Одоогийн дэд ерөнхийлөгч Майкл Пенс, түүний гэргий Карен Пенс, цэргийн эмнэлгийн дарга, дэд адмирал Жером Адамс нар өнгөрсөн баасан гарагт дэргэд нь хэвлэлийнхэн байхад вакцинжуулалтад хамрагдсан юм. Одоогоор Конгрессын Төлөөлөгчдийн танхимын дарга Нэнси Пелоси, сенатын танхим дахь Бүгд найрамдах намын бүлгийн дарга Митч МакКоннеллаас гадна өөр хэд хэдэн хууль тогтоогчдод “Pfizer”, “BioNTech” коронавирусын эсрэг компаниудын вакциныг хийжээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна