Эрүүл мэндийн сайд Т.Мөнхсайхан, ХӨСҮТ-ийн дарга Д.Нямхүү нарын зөрчил ил болохтой зэрэгцээд ЭМЯ-ны зарим албан тушаалтнуудыг ажлаас нь чөлөөлсөн, албан тушаал сэлгэн өөрчилсөн зэрэг мэдээлэл гарч эхэллээ. Тэдний нэг нь тус яамны Бодлого төлөвлөлтийн газрын Нийгмийн эрүүл мэндийн тусламж үйлчилгээний бодлого төлөвлөлт хариуцсан шинжээч Д.Ганзориг ажлаасаа чөлөөлөгдсөн талаараа нийгмийн сүлжээнд мэдээлжээ.
Тэрбээр "Өнөөдрөөс эхлээд миний бие ЭМЯ дахь албан тушаалаасаа чөлөөлөгдсөн болно. Сүүлийн хагас жил шахуу хугацаанд дуугүй байсан тул бичих, ярих сонирхол асар их байна. Ковид оношлуур, ЭМЯ-ны халаа сэлгээ, бодлого зэрэг асуудлаар харилцан санал солилцох боломж нээлттэй болсоныг мэдэгдье.
ЭМЯ бол Хүчит шонхор зах биш. Тэнд ажилладаг төрийн жинхэнэ албан хаагчид бол махны лангуу түрээслэгчид биш. Төрийн албан хаагчийг хуульд нийцэхгүй аргаар халж, сольж болохгүй" хэмээн үзэл бодлоо илэрхийлжээ.
Сэтгэгдэл бичигдээгүй байна