Хуульгүй улсад бөхийлт байхад хангалттай.
Цэс хайрхан ХХК компани ард түмнийг доромжлоод хоёр долоо хоног болов.
Тэд LUXURIOUS гэх шампанскаа Монголд үйлдвэрлэдэг, үндэсний үйлдвэрлэлээ дэмжье гэх уриагаар худалдаалж эхэлсэн ч эцэстээ үнэнд гүйцэгдэж "Советское" шампанскны хэрэглэсэн лонхыг дахин боловсруулж 3.000 төгрөгний шампанскыг 11к аар зарж байсан нь баригдсан. Иргэд олон нийт Цахимаар энэ талаар бухимдлаа илэрхийлсэн ч "Цэс хайрхан" ХХК-ийн зүгээс нэг бөхийгөөд л бүх хайр энэрэлийг хүртэж, үйлдвэрээ үргэлжлүүлэн ажлуулахаар болж байх шиг байна.
Хуульгүй улсад бөхийлт хангалттай гэдгийн нотолгоо энэ. Өнөөдөр Монгол улсад 1 утас хулгайлсан залуу 3-5 жил ял авч шоронд хоригдож өчнөөн залуу насаараа хохирч байхад ард түмнийг тэр чигт нь хуурсан "Цэс Хайрхан" ХХК-ийн хамт олон бөхийгөөд л бүх насаараа хайрлагдах оролдлого хийж байх юм. Хэрэв хууль гэж байдаг бол иймэрхүү Залилан ч юм шиг, Нүд хуурсан ч юм шиг үйлдэл хийдэг ААН-үүдэд хариуцлага тооцох нь зүй ёсны хэрэг.
Яагаад ингэж дургүйцэн бичих болсон бэ гэвэл
- "Советское" компанийн лонх шилийг ашиглах зөвшөөрөл "Цэс Хайрхан" ХХК-д бий юу?
- Хаягдсан "Советское" компанийн лонх шилийг ашиглав уу?
- "Советское" шампанскыг хэрхэн яаж ариутгав?
- Ямар учраас алдаа дутагдал гарав?
- Шампанск хийх үйлдвэр нь технологи, чанарын шаардлага хангасан уу?
- Хохирсон иргэд яах вэ? Шампанск худалдан авсан мөнгөө буцааж авах уу? гэх мэт асуудлууд ар араасаа хөвөрнө. Ийм байтал ичих ч үгүй бөхийгөөд "УУЧЛАЛ ХҮСЭХ" нэрээр ард түмний тархийг угааж, өөрсдөөсөө алдаа хариуцлагаа холдуулж байгаа байдал нь өнөөдөр Монгол улсад Хууль үйлчлэхгүй байгаа учир бөхийхөд хангалттай гэдгийн хамгийн тод нотолгоо болон үлдэж байна.
Бид энэ талаар эргэн сурвалжлах болно.
Сэтгэгдэл бичигдээгүй байна