"Монгол алт" ХК болон "Багануур" ХК-ийн хувьцааны ханш хамгийн өндөр өсөлттэй байна

2021 оны 1 дүгээр сарын 11-ний өдөр энгийн арилжаагаар 33 хувьцаат компанийн 50,132,755.37 төгрөгийн үнийн дүн бүхий 258,799 ширхэг хувьцаа арилжигдсанаас 12 хувьцаат компанийн хувьцааны ханш өсч, 13 хувьцаат компанийн хувьцааны ханш буурсан бол 8 үнэт цаасны ханш тогтвортой байлаа. Үүнээс "Монгол алт" ХК (ERS +14.46%) болон "Багануур" ХК (BAN +3.85%)-ийн хувьцааны ханш хамгийн өндөр өсөлттэй байсан бол "Нэхээсгүй эдлэл" ХК (NXE -5.71%) болон "УБ-БҮК" ХК (BUK -4.15%)-ийн  хувьцаа хамгийн их уналттай байлаа. “Үндэсний хувьчлалын сан" хамтын хаалттай ХОС-ийн 132,942 ширхэг нэгж эрхийг нийт 14,406,481төгрөгөөр арилжигдсан байна. Энэ өдөр багцын арилжаанд нийт 11,500,000 ширхэг үнэт цаас 1,404,150,000 төгрөгөөр арилжигдсан байна. ТOP-20 индекс 0.1 хувиар өсөж, 19117.53 нэгжид хүрсэн бол зах зээлийн үнэлгээ 3,024,769,036,503.70 төгрөг боллоо.