Tempo эмээтэйгээ загварын ертөнцөд хүч үзнэ

Телевизийн шоунаас төрөн гарсан олон хамтлагуудын нэг нь “Mixx”. 25-р суваг телевизээс зохион байгуулдаг “Making the Band” шоунаас төрөн гарч, цөөн хэдэн уран бүтээл хийсэн ч тэгэсхийгээд хамтлаг тарсан байдаг. Хамтлагийн гишүүд бүгд тус тусын зам мөрөө хөөж явсаар Am-C, Tempo нар уран бүтээлээ туурвисаар. Кино урлагт ч хүч үзэж, хэн хэн нь жүжигчний карьераа эхлүүлээд амжсан. Чамгүй мөнгөлөг айлын залуу Tempo жүжигчин Шүүдэрцэцэгтэй үерхэж, хайрандаа шатаж явсан ч харамсалтай нь тэдний харилцаа хол үргэлжлээгүй. Ганц бие болсон Tempo охид, бүсгүйчүүдийн нүд хужирласаар сууна. Өдгөө 30 нас шүргэж буй Tempo моделийн үүрэг гүйцэтгэж эхлэв ээ. Тэгээд болоогүй бүр эмээтэйгээ. Үеийн залуустаа үлгэр жишээ үзүүлдэг залуу ийн “эмээ, хүү” гэх шинэ челлэнж эхлүүлэв бололтой.