Монгол Улсын хэмжээнд өнөөдрөөс хатуу хөл хорионы дэглэм үйлчилж эхэлсэнтэй холбоотойгоор Засгийн газрын сайд нар мэдээлэл хийж байна.
Шадар сайд С.Амарсайхан "Вакцинжуулалт төлөвлөгөөний дагуу явж байгаа, вакцин тасраагүй. Өнөөдрийн байдлаар 192 мянган тун вакцин байна. Вакцинжуулалтыг хөл хорионы үеэр хийх нь цар тахлын эрчмийг бууруулах боломжгүй болгох байсан учраас 15 хоногийн хугацаатай хойшлуулсан. Хатуу хөл хориог үр дүнгүй болгох эрх Засгийн газарт байхгүй. Эхний тунгаа хийлгэсэн 895 иргэн халдвар авсан байна.
Мөн дөрөвдүгээр сарын 9, 12-нд тус бүр 300 мянган тун вакцин, нийтдээ 600 мянган тун вакцин ирэх байсан нь тээвэрлэлтийн улмаас хойшилсон" гэлээ.
Эрүүл мэндийн сайд С.Энхболд "Дөрөвдүгээр сарын 26-наас вакцинжуулалтыг идэвхжүүлнэ. Харин тавдугаар сарын 31 гэхэд нийслэлийн иргэдийг бүгдийг вакцинжуулалтад хамруулах төлөвлөгөөтэй ажиллаж байна" гэлээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна