БНХАУ-ын төв хэсэгт оршдог, коронавирусын халдварт нэрвэгдэж байсан Хубэй мужид коронавирусын 10.69 сая тун вакцин тариад байна гэж тус улсын Коммунист намын Хубэй дэх хорооны нарийн бичгийн дарга Ин Ён даваа гарагт мэдээлжээ.
Хубэйн Эрүүл мэндийн хорооны мэдээлснээр, коронавирусээр халдварлах эрсдэл өндөр эрүүл мэндийн байгууллага, зам тээвэр, боловсрол, үйлчилгээний салбарынхан болон хөлдүү бүтээгдэхүүнтэй харьцдаг ажилтнуудыг эхний ээлжид вакцинжуулжээ.
Одоогийн байдлаар Хубэйд 1952 вакцинжуулалтын цэг ажиллаж байна. Хубэйн нийслэл Ухань хотод 76 хоногийн хөл хориог цуцалсны нэг жилийн ой өнгөрсөн пүрэв гарагт болжээ. Тус мужид сүүлийн 10 сар дараалан коронавирусын дотоодод халдварласан тохиолдол бүртгэгдээгүй байна.
БНХАУ-ын Эрүүл мэндийн үндэсний хорооны мэдээлснээр, улсын хэмжээнд ням гаргийн байдлаар 167.34 сая тун вакцин тарьжээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна