Өвөрхангай аймагт хоёр хүн аянгад цохиулж нас баржээ.
Тодруулбал, Баян-Өндөр сумын Бумбат багийн “Хадан хошуу” гэдэг газар өчигдөр /07.04-ний өдрийн/ 17:30 цагийн орчим 7 хүн, 4 мотоциклтой Баян-Өндөр сумаас шатахуун аваад Зүлэгт багийн “Цам” гэдэг газрын чиглэлд гэр рүүгээ буцаж яваад 2 хүн нь аянгад цохиулж нас барсан тухай мэдээллийг аймгийн Онцгой байдлын газар мөн өдрийн 19:11 цагт хүлээн авчээ.
Тус сумын Засаг даргын Тамгын газрын ажилтнууд 19:17 цагт тухайн газарт очиход тус сумын харьяат малчин 21 настай, эрэгтэй Г болон 21 настай, эрэгтэй Ч нар аянгад цохиулж нас барсан байжээ.
Эх сурвалж: ОБЕГ
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна