Дорнод аймгийн Онцгой комисс хуралдаж, хөл хорио тогтоох, худалдаа, үйлчилгээний байгууллагын цагийн хуваарийг хязгаарлаж, 15 хоногийн хөл хорио тогтоох шийдвэр гаргажээ.
Дорнод аймгийн Онцгой комиссын хуралдаанаар:
- Төрийн болон орон нутгийн өмчит байгууллагуудын олон нийтийг хамарсан хурал, цуглаан арга хэмжээг 2022 оны нэгдүгээр сарын 12-27-ны өдрийг хүртэл буюу 15 хугацаанд хязгаарлах,
- Худалдаа, үйлчилгээний байгууллагын ажиллах цагийн хуваарийг оройн 22:00 цаг хүртэл ажиллуулах
- Олон нийтийг хамарсан хурал зөвлөгөөн, спорт, соёл урлагийн арга хэмжээг хязгаарлах,
- Вакцины сэргээх тунгийн ажлыг эрчимжүүлэх,
- Сар шинийн баярыг гэр бүлийн хэмжээнд зохион байгуулахыг уриалах,
- Голомт бүхий сумдуудад голомтыг цомхотгох, тархалтыг бууруулах хариу арга хэмжээний багийг ажиллуулж, мэргэжил аргазүйгээр хангах,
- Мэргэжлийн байгууллагууд өөрийн чиг үүргийн хүрээнд шинэ давлагаанаас урьдчилан сэргийлэх нэг сарын аян зохион байгуулах,
- Эмийн нөөц, багцыг бүрдүүлэх бэлтгэл ажлыг үргэлжлүүлэн хангах,
- Аймгийн нутаг дэвсгэр дээр бүх төрлийн шагнал гардуулах арга хэмжээг нэгдүгээр сарын 27 хүртэл буюу 15 хоногийн хугацаанд түр зогсоох шийдвэрийг гаргажээ.
Сэтгэгдэл бичигдээгүй байна